Շարունակվում է ճամբարային ջերմ առօրյան:Այսօր՝
հունվարի 12-ին, կրթահամալիրի հյուրերն էին Աշտարակի Ոսկեհատ և Մուղնի գյուղերի՝ 10-րդ և 11-րդ դասարանների աշակերտները: Առավոտյան ընդհանուր պարապմունքից հետո դիմավորեցինք նրանց, և սկսվեց շրջայցը Մայր դպրոցից: Հյուրերը ծանոթացան ճամբարային առօրյային ու նախագծերին: Այցելեցին պարասրահ, միասին պարեցին «Կարնո քոչարի», «Թամզարա»: Այնուհետև իրականացրինք «Ամանորի-Սուրբ Ծննդյան ծիսական համերգ համերգոց» նախագիծը, որի ընթացքում սովորեցինք տարբեր երգեր, ծանոթացանք հարսանեկան ծիսական ավանդույթներին: Հյուրերը շրջեցին նաև մարզասրահներում, հետո մեծ ոգևորությամբ ուղևորվեցին Գեղարվեստի հարթակ:
Այսօր կրթահամալիրում էին նաև ջավախքցիները: Երաժշտության դասին,
տեսնելով նրանց խանդավառությունը, երգը պարին զուգակցելու նրանց ցանկությունը, ակամա ոգևորվում ես: Նրանք այնքան են ընտելացել կրթահամալիրին, որ, իրենց իսկ խոսքով, չեն ուզում վերադառնալ Ջավախք: Օրվա ավարտին Մարմարյա սրահում խանդավառող տրամադրություն էր՝ Մեդիաուրբաթ:
Комментариев нет:
Отправить комментарий